Lesa mas 1

Meta

E meta prinsipal tabata: Promové seguridat den tráfiko.

Promové seguridat te ainda ta meta di VVV/ATSK. VVV/ATSK ta purba logra su meta via kamindanan legal den koperashon ku otro organisashon, outoridat i partíkulanan. Ta traha i repartí medionan ku por yuda den e meta aki. Formashon i rekapasitashon tambe ta forma parti di e medionan pa logra e meta.

Miembresia

E direktiva aktual:

  • Rignald Cristina: Presidente
  • Milva Wilson: Sekretario
  • Riglène Gouverneur – Cristina: Tesorero
  • Eithel Baromeo: Vise presidente
  • Richel Wawoe: 2do Sekretario
  • Harold Bitoria: 2do Tesorero

VVV/ATSK ta un asosashon ku ta reuní minimalmente kada 2 luna ku su miembresia. Aktualmente VVV/ATSK tin 25 miembro.

Fondo
Den pasado VVV/ATSK tabata risibí un supsidio di f 1212,00 mensualmente di gobièrnu, pero for di despues di 10-10-10, esaki a wòrdú kita. Durante henter aña VVV/ATSK ta trata na organisá diferente aktividat pa por generá fondo pa asina kubri gastunan operashonal. Esakinan ta p.e. hür e Parke di Tráfiko pa aktividatnan edukativo i rekreativo, organisá eventonan, manera bon kun’é, sanikolas, pikimentu di webu. Instanshanan privá tambe sa hasi donashon.

Si bo ta sinti bo mes yamá pa yuda nos, bo por hasi bo donashon libremente riba number di kuenta 90096004 na Maduro & Curiel’s Bank N.V.

Areanan di trabou

Vereniging Veilig Verkeer | Asosashon Tráfiko Sigur Kòrsou ta traha riba 3 area importante:

1. Edukashonal:

  1. a) Formashon pa skolnan básiko
    Durante e aña eskolar, muchanan di grupo 7 (klas 5) di skolnan di fundeshi ta haña lèsnan teorétiko i tambe práktiko den oranan di mainta. Un total di mas o menos 67skol básiko ta bishitá parke di trafiko pa haña nan formashon básiko.
    Ku koperashon di MCB su Lito e muchanan di grupo 7 ta sera nan konosementu di seguridat den tráfiko den e próme djamars di luna den yüni ku un èksamen di tráfiko. E proksimo èksamen di tráfiko lo tuma luga dia 4 yüni 2019, kual lo ta e di 68 edishon.

à Pa edishonnan anterior di èksamen di tráfiko, klek aki. [create link pa bai na èksamen bieu]
à Pa resultadonan anterior di èksamen skolnan básiko, klek aki. [create link pa bai na resultado]

  1. b) Kurso chòfur ousiliar
    Apesar ku ta duná muchanan di grupo 7 lèsnan di tráfiko, Vereniging Veilig Verkeer ta duna kurso pa optené sertifikado di chòfur ousiliar.
    E kurso ta wòrdú duná 2 bia pa aña den febrüari i sèptember. E preis pa e kurso ta NAF.300 i ta keda evalua tur periodo di nobo, i si ta nesesario e preis ta keda adaptá. E kurso tin un durashon di 2 luna i ta konsistí di e siguiente lèsnan:
    Formashon general
    2. Lei di tráfiko
    3. Lei di Transporte Públiko
    4. Situashon di tráfiko
    5. Bòrchi di tráfiko

Sin e diploma aki un pèrsona no ta bin na remarke pa traha den transporte Públiko.

Pa por partisipá na e kurso mester inskribí, riba fechanan stipulá. Fecha di inskripshon pa e próksimo kurso di 3 febrüari 2020 lo ta 7 yanüari 2020

  1. c) Kursonan di motivashon
    Den e area edukashonal tambe ta kai nos kursonan di motivashon i konsientisashon na organisashonnan of empresanan. Vereniging Veilig Verkeer tin ekspertonan riba diferente area di seguridat den tráfiko ku ta hasi esaki. Si tin organisashonnan i òf empresanan ku ta desea esakinan tuma kontakto ku nos na ofisina pa mas informashon.
  2. Rekolektá i kompilá sifranan di aksidentenan di tráfiko
    Den koperashon ku Forensys i tambe SEHOS, Vereniging Veilig Verkeer ta kompilá tur sifra rondo di aksidente di tráfiko. I ku e sifranan aki, Vereniging Veilig Verkeer por traha riba kampaña di seguridat den tráfiko. Tin diferente instansia i/òf organisashonnan ku ta dependé di nos sifranan, manera korantnan, Centraal Bureau voor de Statistiek.
    Klek aki [create link pa bai wak sifra] pa haña un bista kompletu di kon sigur nos tráfiko ta

  3. Konsientisashon
    A base di e sifranan rekolektá Vereniging Veilig Verkeer ta traha riba kampañanan di seguridat den tráfiko, saka artikulo pa públika den medionan di komunikashon i/òf entrevistanan. Klek aki pa archivo di komunikadonan bieu [create link pa archivo pa mira algun komunikado bieu]