Pa un temporada no muchu largu, entre 1884 i 1911 nos tráfiko ta konosé diferente tranvia, sea halá pa mula òf kabai i tranvia di motor. E tranvianan aki tabata kore mas parti di Punda i Otrobanda.Na 1910 e promé outo ta yega Kòrsou i ya pa 1920 Kòrsou tabatin 200 outo. Trinta aña despues, esta na 1950 ya Kòrsou ta’tin alrededor di 7000 outo. Mundialmente Kòrsou tabata para riba e lista di paisnan ku e kantidat di mas garndi di outo. Baiskel ni bròmfits no a hasi masha impreshon na Kòrsou.
E kantidat di outo a pone ku hopi hende a sali for di e drùk di kayanan di Punda i Otrobanda i bai biba mas pafo. Debi na esaki mester a traha kamindanan, pa despues amplia esakinan i bini ku bòrchi i lusnan ku ta regla tráfiko.